【第5000隻蛋糕，達成！】
我響運動前一年開始呢間小店，比起娛樂圈，做蛋糕簡單好多，亦比...

【第5000隻蛋糕，達成！】
我響運動前一年開始呢間小店，比起娛樂圈，做蛋糕簡單好多，亦比較容易令人開心！
雖然大家成日見我po啲客嘅笑料出黎，但係老實講，好客真係比西客多好多！遇上西客，笑下就算！其實有時有西客都幾好吖，生活多啲調劑唔好咩？
一開始做蛋糕有d唔慣，有d客好鍾意響WhatsApp吹水，講呀講，講點解要訂呢個蛋糕、講呢個蛋糕有乜意義… 我心諗，蛋糕咪蛋糕囉！年年都有架啦！你叫我而家諗番成世收過嘅蛋糕，我都未必記得起一兩個…
但係自從推出「蛋糕師發辦」後，訂蛋糕嘅客人越來越來，每位客人都要寫100字內形容壽星，我覺得我慢慢變成左一個樹窿，我做嘅嘢好似有d使命感…
「因為未出世已知小朋友體弱，所以屋企人都寵到如珠如寶，難得無公主病…」
「我老婆發現我有婚外情，我已經同外面個女人斷晒纜架啦！希望今年佢生日會原諒我！」
「原來要突然間形容爸爸，會令我諗到原來我好驚失去佢。所以形容佢嘅係咁多先丫，今次麻煩哂你🙇🏻‍♂️」
一個一個唔同嘅故事，我就好似日本仔嘅「深宵食堂」咁…
令我嘅蛋糕變得好似好有意義…
唔經唔覺，就黎做左3年蛋糕…
今日我做完我第5000隻蛋糕…
然後呢，然後我繼續做第5001隻蛋糕…

---